Anne-Maries Bloemlezing [index]

Groovnleed

Zet de klokn stil en doot ne der of, den kuierdroad.
Smiet de heunde butte vuur, dat ze nich an t blekn goat.
Hoaldt de piano’s too en buurt met zachte trom
De kist noar boetn hen, loat t rouwvolk komn.

Loat vleegmasienn in t roonde göln en onwies groot
Hoog an de loch de bosschop krasn: Hee Is Dood,
Doot de doevn kripne leentn um de witte kraagn,
Loat de verkeerspolities zwarte haanske dreagn.

Hee was mien Noord, mien Zuud, mien Oost en West,
Miene wörkeldaag en miene zöndaagnse röst,
Miene sproak, mien muziek, mien lech en duusternis;
Ik dach leefde kon wa doern: ik har t glad mis.

De steerne bint te völle noe: loat ze oet goan;
Haal de zun mer daal en verrinneweer de moan;
Geet t water oet de zee en pleer n bos plat;
Want dit al wördt van zien leavn nich meer wat.

---

göln = gieren, janken, huilen
krip = krip, crêpestof, rouwfloers
verrinneweern = kapotmaken

Noar: W.H. Auden, Funeral Blues
Goaitsen van der Vliet